अखेर देवकान्हे ते खांब रस्त्याचे बांधकामास प्रारंभ
खांब,दि.८(नंदकुमार मरवडे)
रोहा तालुक्यातील खांब ते पालदाड अंतर्गत मार्गाचे येणाऱ्या देवकान्हे ते खांब रस्त्याचे पक्क्या डांबरीकरण व खडीकरणाच्या बांधकामास प्रारंभ करण्यात आला आहे.
या रस्त्याचे काम मार्गी लागावे यासाठी खा.सुनील तटकरे, राज्यमंत्री आदिती तटकरे व आ.अनिकेत तटकरे यांच्याकडेही याबाबत विभागातील रहिवासीवर्गाने समस्या मांडल्यावर त्यांनीही या समस्येची दखल घेऊन व संबंधित शासन यंत्रणेजवळ वारंवार पाठपुरावा केल्याने त्यांच्याही पाठपुराव्याला याबाबत यश मिळाले आहे.
दैनंदिन प्रवासात या मार्गावरून प्रवास करताना येणाऱ्या अडचणींचा विचार करता
या रस्त्याचे पक्के डांबरीकरण व खडीकरण करणे ही काळाची गरज होती.अरूंद रस्ता त्यातच ठिकठिकाणी पडलेले खड्डे व खड्ड्यातूश वर आलेले दगडगोटे अपघातास कारणीभूत ठरत होते.त्यातच अरूंद रस्ता असल्याने वाहतुक कोंडीची समस्याही भेडसावताना दिसत होती.त्यामुळे या रस्त्याचे डांबरीकरण होणे ही मोठीच गरज असल्याने हा प्रश्न विभागातील रहिवासीवर्ग व दैनंदिन प्रवास करणारे पादचारी तसेच वाहनचालकांकडून
वेळोवेळी उपस्थित केला जाऊ लागल्याने या समस्येची अखेर संबंधित यंत्रणेने दखल घेतल्याने अखेर रस्त्याचे कामास प्रारंभ केल्याने सर्वांनाच मोठा दिलासा मिळाला आहे.